نكت يا رب تعجبكم...

طلع مجموعة صيادين يصطادوا وكل ما يصطادوا حاجة كلابهم تجرى تجيب الفريسة ما عدا كلب واحد بيخاف من صوت الرصاص فقالوا لصاحبوا خذه الأفراح اللى بيحصل فيها ضرب نار كتير علشان يتعود على الرصاص وبعد ما أخذه لمدة 6 شهور رجع يصطاد تانى أول ما ضرب النار الكلب أعد يزغرط
واحد قال لأبوه بابا أنا عايز أكمل دراستى بره قال وايه المشكلة ، قول لأمك تفرشلك فى الحوش بس خد بالك لتبرد

مرة واحد رخم آوى وقع فى حفرة ، قال أحسن

مرة واحدة حامل ابنها الصغير بيسألها : ايه اللى فى بطنك ده يا ماما قالتله : ده أخوك يا حبيبى ... تانى يوم وهوه فى المدرسة المدرس سأله : أنت عندك أخوات قاله: كان عندى واحد بس ماما أكلته

مرة طالبة مشاغبة المدرس اشتكاها للمدير المدير بعتها قال لها: (عملتى ايه) قالت له:ولا حاجه رميت وردة من الشباك قال: بس كدة ؟ قالتله : آه بعد شويه لقى طالبة مدغدغة و مكسرة سألها ايه اللى عمل فيكى كدة قالتله : أنا وردة اللى اترمت من الشباك

مرة واحد غبى ابنه قاله أنا عاوز موبايل قاله أيوه موافق بس بشرط تركب أخواتك معاك

مرة واحد راح يخطب واحدة باباها قال له بس البنت لسة بتدرس قال له خلاص أجلها فى الفسحة

واحد عنده أرق ومش عارف ينام ... قال له صاحبه عندى لك طريقة مؤكدة ... عد من واحد الى خمسمية ... أخونا مكدبش خبر ... وأول ما الدنيا ليلت راح للسرير وبدأ يعد .. واحد..اتنين .. ولما وصل الى مية وتسعة وتسعين كبس عليه النوم ... قام جرى غسل وشه ورجع للسرير يكمل عد

اتنين واقفين على المحطة مستنين القطر والدنيا زحمة أول ما القطر وصل كل الناس جرت عليه واحد ركب والتانى معرفش يركب فوقف وهو عمال يضحك فواحد سأله أنت بتضحك على ايه قاله أصل اللى ركب ده كان جى يوصلنى

مرة واحد غبى ماشى فى الشارع قال يارب ياااااااارب أحط ايدى فى جيبى ألاقى 10 جنيه ياااااااااارب، حط ايده فى جيبه لاقاه مخروم رجع يدور عليها لتكون وقعت