اجمد الالغاز الى ممكن تقراها فى حياتك

خدوا بقى اللغز ده ............... بس اللي بقراه ...يصنفر مخه الأول

بص يا سيدي :
3 أشخاص راحوا يشتروا كاسيت ... وصلوا للمحل سألوا عن الكاسيت طلع بــ 30 جنيه .... والتلاتة هيشتركوا فيه
يبقى كل واحد هيدفع كام


صح ... ( 10 ) جنيه تمام ( طبعا مش ده اللغز يا فتك )

المهم دفعوا الفلوس وقالوا للبياع ... هنسيب الكاسيت ده هنا ... ونوصل مشوار ونرجع تاني بعد شوية

راحوا مشوارهم ورجعوا ... لقوا صاحب المحل .. قال لهم أنا آسف .. فيه غلطة حصلت .... البياع باع الكاسيت لكم ب 30 جنيه

بس هو ب 25 جنيه ........ ( يبقى هما كده ليهم كام عند الراجل ؟؟ )

صح 5 جنيه ( بس برده مش ده اللغز يا ذكي )

إحتاروا يقسموا المبلغ ده إزاي ... فالبياع إقترح إقتراح لطيف ...... إيه هو ؟


قال كل واحد فيكوا يأخد جنيه ..... يتبقى 2 جنيه من الخمسة ... سيبوهم ليا أجيب لنفسي علبة سجاير وسامحولي فيهم


وافقوا على الإقتراااااااااااااح ده

يبقى كده كل واحد فيهم كان دافع 10 ... وخد جنيه

يبقى كل واحد دفع كام .............. ( 9 جنيه .. مظبوط )

لما كل واحد دفع 9 جنيه ......... يبقى هما التلاتة دفعوا كام ( 3 × 9 = 27 جنيه )

ضيف عليهم الــ 2 جنيه اللي البياع خدهم .... يبقى المجموع كام .... صح 29 جنيه

بس هما كان دافعين في الأول خالص 30 جنيه


يبقى الجنيييه راح فين .... ....

( أرجو ان اللغز ميكنش ممل ) ...............

لغز جميل وصعب