اللى بيكدب بيروح فين ؟

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

منذ نعومة أظافري وأنا أكره تلك المادة المسماة جغرافيا كره العمى

ولكن لغرابة الوضع

ولا اعلم كيف ومتى وأين حدث هذا ..

كانت من المواد اللي بجيب فيها الدرجات النهائية..

ومؤخراً اكتشفت أنني كنت اكذب اكتر من مسيلمة الكداب

في الامتحان..

فبرغم اني لم اذاكر ولا فتحت كتاب إلا اني حصلت على الخلاصة..

فبمجرد رؤية كلمة معينة استدل على الاجابة ببديهية وبساطة

يعني بمجرد ما الاقي كلمة القطن

أكر الاجابة المحفوظة عن ظهر قلب..

قطن مصر من أجود أنواع القطن في العالم

ويتميز بأنه طويل التيلة..فول ستوب

وتكرر الامر العديد من المرات فعندما كنت اجد كلمة قمح..

قمح مصر من افضل انواع القمح

ومصر أولى الدول المصدرة له...

أما جو مصر يا سلام عليه ..

حار جاف صيفاً لطيف معتدل شتاءاً.

أما في الواقع وعند النظر للموقف من موقعي هذا

بعد ما بطلت الجغرافيا زي ما شعبولا بطل السجاير

فأنا لا استحق الدرجات النهائية بل استحق وسام مارلين في الكذب..

لأن ببساطة كل ما كتبته كذب

*فقطن مصر اصبح قصير التيلة أو بالاحرى معندوش تيلة اصلا ...

*اصبحنا من أوائل الدول المستوردة للقمح

بعد ما كنا بنصدره لروما ومنغنغينها

(وده بغض النظر عن القمح المسرطن
[center]فده مجرد اجتهاد خارج المنهج و معاه طابور العيش والانابيب..)

ولأننا مش عاوزين نضرب السياحة فنظل نردد ان جونا ممتاز

وقد صار في الواقع

*مولع نار صيفاً متلج مكهرب شتاءاً..

لا اعلم لماذا يصرون على تدريس الكذب

ومناهج عقيمة واحصائيات من عام 2000 قبل الميلاد؟؟!

ويرجعوا يقولولنا اللي بيكدب بيروح فين فيييييين..!!

وأحمد الله انهم لم يعيدوا تصحيح امتحاناتي من رابعة ابتدائي

[size=16]وإلا لوجدت نفسي لسه بعيد في KG 2

تفتـكروا احنا متقدمين بالشكل الفظييع الذي نحسد عليه ليه .؟

وكام مره كدبت عشان تطلع باللي اسمها " نتيجه عدله " ..وهل مستعد تكدب تاني في سبيل انك تروح لـ " مرينـا " المجهوله .

[b]؟؟

طيب يتفع كده يعنى

» ايه اللى جاب القلعة جنب البحر ؟