منتدى فتح الله بركات الاعدادية بنات
[بسم الله الرحمن الرحيم
عزيزى الزائر/عزيزتى الزائرة...يرجى التكرم بتسجيل الدخول اذا كنت عضوا معنا او التسجيل اذا اردت الانضمام الينا فنحن نتشرف بعضويتك
ادارة المنتدى
منتدى فتح الله بركات الاعدادية بنات

أهلا ومرحبا بكم فى منتداكم ........مدير الموقع /ا/ نصر ابو طاحون .... المشرف العام / ا/ أيمن ابو علام
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  
منتدانا كلنا يتمنى المشاركة من الجميع فى الموضوعات والردود
كل عام أنتم بخير بمناسبة بدايةالعام الدراسى 2013//2014..ونتمنى للجميع التوفيق

المسابقة الدولية لمشروع ThinkQuest http://www.thinkquest.org/competition

منتدى مدرسة فقتح الله بركات الاعدادية للبنات يرحب بالطالبات الجدد للصف الاول الاعدادى للعام الدراسى 2012 /2013 ويتمنى لكل طالبات المدرسة التوفيق والنجاح
بحـث
 
 

نتائج البحث
 
Rechercher بحث متقدم
المواضيع الأخيرة
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني
أفضل 10 أعضاء في هذا المنتدى
وسام هلال
 
sama
 
nasrabotahoun
 
ايمن ابو علام
 
ايمان خالد فتح الباب
 
شيماء
 
neveen
 
sosoalngar
 
انا و خلاص
 
emeyshawky
 
تصويت
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
سحابة الكلمات الدلالية
شوقي ايفريقيا الشاعر الحملة الفرنسية احمد للصف قصيدة
روابط هامة

 رئاسة مجلس الوزراء 

بوابة الحكومة المصرية

 المعايير القومية للتعليم


شاطر | 
 

 العيشه واللى عايشينها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
انا و خلاص
عضو نشيط
عضو نشيط
avatar

عدد المساهمات : 222
تاريخ التسجيل : 13/09/2009

بطاقة الشخصية
لعب الادوار: 10

مُساهمةموضوع: العيشه واللى عايشينها   الأحد سبتمبر 27, 2009 8:20 pm

الموت … آن آن آآآآآآآآآن !!
حد يقولي لونك حزايني ليه النهارده أقوله اهو تغيير واستني وكمل الموضوع يا معلم وبعدين احكم
الموت علميا ينقسم إلي قسمين :
القسم الأول : الموت اللي بجد وده برضه بينقسم إلي قسمين :
القسم الأول من القسم الأول : الموت اللي بجد بجد
القسم التاني من القسم الأول : الموت الإكلينيكي
والاتنين دول مالناش دعوه بيهم خالص
إنما اللي إحنا عايزين نتكلم عنه هو القسم التاني من القسم الأول من الكلام ( حد فاهم حاجه ؟؟؟؟؟؟ )
القسم التاني : الموت وإحنا أحياء
ايون …. مافيش أي غلط ف كلامي
للموت بالحياة أسباب كتيره جدا منها أسباب هامه ومنها أسباب عبيطه
من الأسباب إلهامه :
العيشة كلها اللي إحنا عايشينها دي يعني دخل منخفض جدا ومافيش أي ترفيه لان مافيش ضروريات أصلا.
تخيلوا معايا…. بحسبه بسيطة كده واحد أتعين من تلاتين سنه بمرتب 200 جنيه مثلا كان المرتب ده يجيب كام كيلو لحمه ؟ كانت اللحمة ف السبعينات بكام ؟
أنا طبعا مش فاكره بس نقول أنها كانت بخمسه جنيه وياريت لو حد فاكر يقولي . المهم 200 جنيه كانوا يجيبوا 40 كيلو لحمه . طيب نفس الموظف ده النهارده بعد ما أترقي وبقي مدير بياخد له يجيي 600 جنيه طيب 40 كيلو لحمه بقي النهارده بكام ؟ 40 * 40 = 1600 جنيه .
يعني مرتبة زاد لكن الحقيقة إن الدخل نفسه قل جدا لدرجه إن المرتب التعبان زمان كان ممكن يعيش أسره لكن المرتب التعبان النهارده مش ممكن يعيش واحد يعني م الأخر كده معظمنا ميتين بالحياة . صح ؟
طيب وإيه تاني ؟
إننا نعيش من غير ما نقدر نعبر عن مشاعرنا سواء الغضب أو الإحباط أو الحزن أو أي حاجه خوفا من الذهاب إلي حيث ذهبت إسراء أي وراء الشمس .
طيب وإيه فايده الحياة إذا كنا حانعيشها مش قادرين نقول إننا زعلانين أو محبطين أو حاجه مضايقانا ؟ يبقي برضه كده نكون ميتين بالحياة . صح ؟
إيه تاني ؟
إننا نعيش مش ضامنين القرش اللي مش مكفينا النهارده ده حايكون موجود بكره ولا لاء ؟
إننا نخاف نعمل أي حاجه غلط ماتعجبش الكبار أحسن مش بس يحاكمونا محاكمه عسكريه لا وكمان يتحفظوا علي أموالنا – إذا كان عندنا أموال –
مافيش عندنا أي حرية للترشيح أو لانتخاب أي حد إحنا عايزينه فعلا
بنتفرج علي مسلسلات مملة وبتحكي عن ناس مش من بلدنا أصلا ومش عايشين فيها لان بلدنا كلها عشش وبيوت فقيرة مش فيلات وقصور وصفقات بالملايين وأثاث يعقد . صح ؟
انك تحب واحده وعشان مافيش معاك فلوس ومن تاسع المستحيلات انك تلاقي شقه وبعدين تفرشها وبعدين تجيب شبكه وفرح ونيله… تروح هي تتجوز واحد تاني بصرف النظر عن هو جايب فلوسه منين . أو تقايس وتتجوزك وتساعدك هي وأهلها وتعيش أنت وهي سنين تسددوا ف أقساط العفش وديون الجواز .
إننا نمرض بأي مرض ومانلاقيش مستشفي محترمه نتعالج فيها ولا علاج فيه ماده فعاله فعلا مش مجرد شويه خلطه من غير دوا بجد فيها .
أقول كمان ولا كفاية نكد ؟ .. افتكروا إحنا من الأول بنتكلم عن إيه ؟
باختصار …. العيشة اللي إحنا عايشينها كلها مش نافعة وإحنا كلنا نعتبر عايشين علي هامش الحياة يعني لو متنا بجد بجد – راجع بداية الموضوع – مش حانبقي زعلانين علي حياتنا اللي خلصت لأننا أصلا كنا ميتين بالحياة
معلش بقي موضوع مأساوي شويه
الرجوع الى أعلى الصفحة اذهب الى الأسفل
انا و خلاص
عضو نشيط
عضو نشيط
avatar

عدد المساهمات : 222
تاريخ التسجيل : 13/09/2009

بطاقة الشخصية
لعب الادوار: 10

مُساهمةموضوع: رد: العيشه واللى عايشينها   الأحد سبتمبر 27, 2009 8:22 pm

ياريت تخدوا الموضوع بجد وتستفيدوا وينال اعجابكوا
الرجوع الى أعلى الصفحة اذهب الى الأسفل
sosoalngar
عضو نشيط
عضو نشيط
avatar

العذراء الفأر
عدد المساهمات : 231
تاريخ التسجيل : 14/09/2009
العمر : 21
الموقع : http://brakatbanat.ahlamontada.net

مُساهمةموضوع: رد: العيشه واللى عايشينها   الأحد سبتمبر 27, 2009 8:31 pm

شوية ايه؟؟؟؟؟؟
دا مأساوي جداااااااااا
بس علي فكرة جميييييييل اوي الموضوع دا
و واقع معظم الناس بتعيشه
الرجوع الى أعلى الصفحة اذهب الى الأسفل
انا و خلاص
عضو نشيط
عضو نشيط
avatar

عدد المساهمات : 222
تاريخ التسجيل : 13/09/2009

بطاقة الشخصية
لعب الادوار: 10

مُساهمةموضوع: رد: العيشه واللى عايشينها   الأحد سبتمبر 27, 2009 8:35 pm

ميرسى على مرورك ياسوسو
الرجوع الى أعلى الصفحة اذهب الى الأسفل
 
العيشه واللى عايشينها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى فتح الله بركات الاعدادية بنات  :: كتاب أعجبنى :: الطب-
انتقل الى: